français Euskara Castellano English
Xareta

FAQ : Maiz egiten diren galderak


Lezearen bisita gidatua haur karrosa batekin segitzen ahal da?

Ez. Alde batetik eskailerak badirelako eta, beste aldetik taldeko bisita gidatuak baizik ez baitira, ezinezkoa da haur karrosa erabiltzea.
Aldiz, gelak biziki zabalak baitira, gomendatzen dizuegu nini zorro batekin etortzea. Haur karrosak museoaren zati irekietan eta parke megalitikoan erabil daitezke.

Argazkiak hartzen ahal ote dira flash-arekin edo gabe leizearen barnean bisita egitean?

Ez. Ez da haizu argazkiak egitea leizearen bisita gidatu denboran, gunea bera, bisitaren kalitatea eta irudi eskubidea babesteko.

Txartelak internetez erosten ahal dira eta nola? Zer egin behar dut hau erosi ondoren?

Bai. Zuen txartelak internetez eros ditzakezue, prezio apalduetan, « Citybreak » plataformaren bitartez. Erosketa burutu ondotik, dokumentu informatiko bat helaraziko dizuegu mail-ez. Nahitaez ekarri edo (ezin baduzue inprimatu) erakutsi beharko duzue gure harrera gunera heltzean, horren truke, zuen bisitaren tenorea agertuko duen txartel bat emanen dizuegu honela. Uda garaian, lehentasuna ukanen duzue gure harrera gunetik sartzeko.
Kasu, internetez burutu erosketa hauei esker ez duzue bisita egiteko lehentasunarik ez dutenen igurikatze ilaran egoterik, bisitari multzo handia denean. Izan ere, bisitaren ordua, leku libroen arabera finkatua da.
Txartel hauek hautatu egunean erabili behar dira.


Mugikortasun urriko pertsona batek leizea bisitatzen ahal ote du?

Bai. Leizearen behereko parte guzira sar daiteke. Bi egun lehenago gurekin harremanetan sar zaitezte, lehentasunez goizeko bisita ordua elkarren artean finka dezagun. Gida bat zuekin egonen da bisitaren lehen zati osoan, aldi berean, taldearen gaineratikoa, gaineko galerian izanen da.
Hemen dituzue xehetasun guztiak mugikortasun urriko pertsonentzat.

Ekipamendu berezirik behar ote da bisita egiteko?

Ez. Bisita 2 galeria maila ezberdinetan egiten da, osoki antolatua den ibilbidean gaindi. Gomendatzen dizuegu oinetako hetsiak janztea eta jantzi bat ekartzea leizearen zolan tenperatura 14°C-koa baita.

Bisita bakarrik egiten ahal ote dugu?

Ez. Bisita gidatuak baizik ez dira. Soinu eta argiz apainduriko oren bateko bisita da, leizea babesteko gune argituetan ibiltzeko gisan.

Leizearen barnean eskaileretatik ibili behar da?

Bai. 2 galeria mailatan egiten da bisita. Historiaurreko bizitegi gunera 40 mailako eskailer batetik hel daiteke. Behereko zatira joateko, 20 mailako eskailer batetik jaitsi behar da. Hamabost bat maila badira ere zuloaren zolan. Eskailer hauek aski zabalak dira eta ez dira zailak.

Animaliak onartuak dira bisitaren denboran?

Ez. Natura 2000 sailkatua da gunea bai eta saguzarren ikerketa lekua ere. Hori dela eta, gure lagunak diren animaliek ezin dute leizearen bisita gidatua egin (zaku edo saski batean badira ere). Aldiz, ongi etorriak dira, soka batekin loturik, parke megalitikoa eta guneko museoaren barnean.

Ba ote dira beste hizkuntza batzuetan eskaini bisita gidatuak?

Bai. Bisitak espainoleraz, euskaraz edo ingeleseraz eskaintzen ditugu, gure ahalen arabera (ordu eta giden arabera). Idatzizko itzulpenak eskuratzen ahalko dituzue gure gidengana joz, bisita uler dezazuen. Bisita hasi aitzin eskatu beharko dituzue.

Bakarrik etortzen bagara, erreserbatu behar dugu leizea bisitatzeko?

Ez. Bakarrik etorriz gero ez da erreserbatzeko beharrik, baina gurekin harremanetan sar zaitezkete jakitzeko noiz den jende gutien. Eguneko bisiten tarte eta ordu lasaienak azalduko dizkizuegu. Aldiz, taldeei (> 15 pertsona) eta mugikortasun urriko pertsonei dagokienez, beharrezkoa da aitzinetik erreserbatzea.